ဗုဒ္ဓသာသနာအတွက် ရခိုင်ကိုသာယုံကြည်ခဲ့သည့် ရှင်ဂေါတမ

ဗုဒ္ဓသာသနာအတွက် ရခိုင်ကိုသာယုံကြည်ခဲ့သည့် ရှင်ဂေါတမ
=======================================
ဗုဒ္ဓသာသနာသမိုင်း၌ ဘုရားရှင်၏ ကိုယ်ပွားတော်အဖြစ် ရုပ်ရှင်တော်နှစ်ဆူ သွန်းလုပ်ပူဇော်ခဲ့ပါသည်။သို့သော်လည်း မြန်မာပြည်သူအများစုမှာ မိမိနှိင်ငံရှိ ရခိုင်ပြည်မှ မဟာမုနိတစ်ပါးတည်းကိုသာ ရုပ်ရှင်တော်အဖြစ် သိရှိနေကြသူ များလေသည်။
ထို့ကြောင့် နောက်ရုပ်ရှင်တော်မြတ်တစ်ဆူ၏ အကြောင်းနှင့် ၎င်းအကြောင်းနှင့်ဆက်စပ်၍ ဂေါတမမြတ်ဘုရားရှင်၏ ရခိုင်ပြည်နှင့် ရခိုင်လူမျိုးတို့အပေါ် သူ၏သာသနာအတွက် ယုံကြည်ခဲ့ပုံကိုပါ တစ်ဆက်တည်း မြင်တွေ့ခံစား ဖတ်ရှူခဲ့ရသည်ကို ပြန်လည်မျှဝေလိုက်ပါ၏။

စန္ဒသူရိယမင်းက ဘုရားရှင်ပြန်ကြွတော်မူသောအခါ မြတ်ဘုရားရှင်နှင့် ကွဲကွာအံ့သောအဖြစ်ကို တွေးမိ၍ ကိုယ်စားတော်အဖြစ် ရုပ်ရှင်တော်တစ်ဆူကို ထားခဲ့တော်မူစေလိုကြောင်း လျှောက်တင်သောအခါ ဘုရားရှင်သည် ဤသို့ခံစား သိမြင်တော်မူပါသည်။
``သဗ္ဗညုဘုရားသခင်သည် ဉာဏ်တော်ဖြင့် ကြည့်တော်မူလတ်သော…… နောင်သောအခါ `ကောသလမင်း´ တောင်းပန်ခြင်းကြောင့် `စန္ဒသာရ´အမည်ရှိမည့် `ရုပ်ရှင်တော်တစ်ဆူ´ ရှိတော်မူသော်လည်း တိထ္ထိတို့ ပိုင်စိုးအုပ်ချုပ်လာသည့်အခါ သိကြားမင်းဆင်းလာပြီး ရတနာရွှေပလ္လင်နှင့်တကွ သိုဝှက်လိုက်မည်ဖြစ်သဖြင့် လူများစွာတို့သည် ကာလကြာရှည်စွာ ကိုးကွယ်ဆည်းကပ်ရာမရ ဖြစ်အံ့သောအကြောင်း ရှိချေတော့မည်။
ငါဘုရားသည် အလောင်းတော်ဘဝက ဘဝအဆက်ဆက် ကျင်လည်တော်မူခဲ့သော ဤဓညဝတီပြည်သည် ဇမ္ဗူဒီပါကျွန်း၌ မြို့ကြီးအပေါင်း ရှစ်သောင်းလေးထောင်တို့တွင် မြင့်မြတ်သော တိုင်းပြည်မြို့ကြီး ဖြစ်ပေသည်။
ဤဓညဝတီပြည်၌ ငါ၏ကိုယ်စား ရုပ်ပွားတော်ကိုထားရှိခဲ့သော ငါပရိနိဗ္ဗာန်စံပြီးနောက် ထားတော်မူလတ္တံ့သော သာသနာငါးထောင်ပတ်လုံး တည်လတ်၍၊ လူ နတ် ဗြဟ္မာ သတ္တာဝါတို့၏ ချမ်းသာစီးပွားကို များစွာဖြစ်ကြကုန်အံ့´´ဟု မြင်တော်မူ၍ မဟာစန္ဒသူရိယဘုရင်၏ လျှောက်ထားချက်ကို ဝန်ခံပဋိညာဉ် ပေးတော်မူသည်။
အထက်ပါစာပိုဒ် စကားအရ……
(1)စန္ဒသာရအမည်ရှိ ရုပ်ရှင်တော်မြတ် တစ်ဆူလည်း ရှိခဲ့သေးကြောင်း
(2)စန္ဒသာရရုပ်ရှင်တော်မြတ် တည်ရှိရာနေရာအား ဗုဒ္ဓဘာသာကို မကိုးကွယ်သည့် တိတ္ထိတို့၏ စိုးမိုးသိမ်းပိုက်မှုကို ခံရသောအခါ စန္ဒသာရရုပ်ရှင်တော်မြတ်ကို ပလ္လင်နှင့်တကွ သိကြားမင်းက ပင့်ဆောင်သွားမည်ဖြစ်ကြောင်း
(3)ထို့ကြောင့် ဓညဝတီပြည်၌ မဟာမုနိအမည်ရ ရုပ်ရှင်တော်မြတ်တစ်ဆူကို ထပ်မံသွန်းလုပ်ခွင့် ပြုခဲ့ကြောင်း
(4)ဤမဟာမုနိသည်သာလျှင် သာသနာတော် နှစ်ငါးထောင်အထိ တည်တံ့မည်ဖြစ်ကြောင်းကို ဖတ်ရပါလိမ့်မည်။
ဓညဝတီကား ရခိုင်ပြည်ဖြစ်သည်။
ရခိုင်ပြည်တွင်ကား ရခိုင်တို့နေထိုင်သည်။
ရခိုင်နေသည့်အရပ်တွင်မှ ရုပ်ရှင်တော်သည် သာသနာနှစ်ငါးထောင်ထိ တည်တံ့မည်ဟု ဘုရားရှင်က မြင်ခဲ့သည်။
ဤအခြင်းအရာများကို ထောက်ရှူကြည့်ခြင်းဖြင့် ရှင်ဂေါတမသည် ဗုဒ္ဓသာသနာအတွက် ရခိုင်ကိုသာ ယုံကြည်ခဲ့သည်ဟု ခေါင်းစဉ်တပ်ရခြင်း ဖြစ်ပါတော့သည်။
သို့သော် ရခိုင်တို့သည် သမိုင်း၌သာ ပျော်မွေ့မနေဘဲ၊ ဘုရားဗျာဒိတ်ကိုချည်း အားကိုးမနေဘဲ၊ မင်းလောင်းပေါ်လာမှာကိုသာ ထိုင်စောင့်မနေဘဲ၊ လက်တွေ့မှာလည်း အုတ်တစ်ချပ်လောက်ဖြစ်စေ သဲတစ်ပွင့်လောက်ဖြစ်စေ ကြိုးစားအားထုတ် ဝီရိယစိုက်ကာ လုပ်ဆောင်ရမည်လည်း ဖြစ်ပါသည်။ထို့ပြင် ခေါင်းငုံ့မခံသော်လည်း ရန်မများအောင်လည်း အမြဲမပြတ် အသိ သတိ ပညာများဖြင့် နေထိုင်ရအုံးမည်လည်း ဖြစ်ပါကြောင်း။